யாழ் நயினாதீவுக் கடலில் பாடசாலை அதிபர் வீழ்ந்து பலியான பின்னணி! நடந்தது என்ன?

‘கடல் கடந்த தீவுகளில் இரண்டு ஆண்டுகள் பணியாற்றினால், அது வெளிமாவட்ட ஒத்த சேவையாகக் கணிக்கப்படும்’ என்ற விசேட உத்தரவாதத்தை வழங்கி, அங்கு பணியாற்ற விரும்பும் ஆசிரியர்களைத் தெரிவு செய்யுமாறு வடமாகாண ஆளுநர், நேற்றைய தினம் புதன்கிழமை அதிகாரிகளுக்கு அறிவுறுத்தி இருந்தார்.

இன்றைய தினம் நயினாதீவு ஶ்ரீ கணேச கனிஷ்ட மகாவித்தியால அதிபர் பயணிகள் படகை தவறவிட்டமையால் , கடற்தொழிலாளர்களின் சிறிய படகில் குறிகட்டுவான் நோக்கி வரும் போது கடற்சீற்றம் காரணமாக படகு கடலில் அடிபட்டதில் படகில் இருந்து தவறி கடலினுள் விழுந்ததில் உயிரிழந்துள்ளார்.

அதிபர் நயினாதீவை சேர்ந்தவர். அவர் கொழும்பு போவதற்காக யாழ்ப்பாணம் வரும் போதே அனர்த்தம் ஏற்பட்டது.

கடல்பயணங்கள் ஆபத்தானவையே .. அவை ஆசிரியர்களுக்கு மாத்திரமின்றி , ஏனைய உத்தியோகஸ்தர்களுக்கும் அப்பகுதி மக்களுக்குமே ..

பாதுகாப்பான கடற்பயணங்களை உறுதி செய்ய வேண்டும்.

இறங்குதுறைகளில் கடற்படையினர் கண்காணித்து , படகில் இத்தனை பேர் தான் ஏற முடியும் என்பதனையும் , அனைவரும் , பாதுகாப்பு அங்கி அணிய வேண்டும் என்பதும் கட்டாயம் என்பதனை அறிவுறுத்துகிறார்கள். அத்துடன் படகின் மேற்கூரையில் அமர அனுமதிப்பதும் இல்லை.

ஆனால் படகு பயணிக்க தொடங்கி சில நிமிடங்களில் பாதுகாப்பு அங்கிகளை கழட்டி போட்டு விட்டு , படகின் மேற்கூரைக்கு வந்து விடுவார்கள்.

பயணங்கள் பாதுகாப்பாக அமைய நாமும் பொறுப்புணர்வுடன் செயற்பட வேண்டும்.

நன்றி ஊடகவியலாளர் மயூரன்